Chahat mein kia duniya dari, Ishq mein kaisi majboori
LogoN ka kiya, samjha-ne do, Inn ki apni majboori

Main ne dil ki baat rakhi aur tuu ne duniya walo'n ki

Meri gharz bhi majboori thi, Unka hukam bhi majboori

Rok sako tou pehli barish ki boondoN ko tum roko

Kachi mitti tou mehkey gee, Hai mitti ki majboori

Jabb tak hansta gata mausam apna hay, sab apney hain

Waqt parray tou yaad aa jati hai masnooii majboori

Aik awara badal se kioon mainay saaya maanga tha

Meri bhi yeh nadani thi, Uss ki bhi thi majboori

Muddat guzri aik wadey pr aaj bhi qayam hay Mohsin`
Hum ne saari umer nibhaye, apni pehli Majboori......!!