Zindagi se yehi gila hai mujhay
Tu buhat dair se mila hai mujhay

Tu muhabbat se koi chaal to chal
Haar janay ka hosla hai mujhay

Hum-safar chahiay hujoom nahi
Aik musafir bhi qafila hai mujhay

Dil dharakta nahi sulagta hai
Woh jo khwahish thi aabla hai mujhay

Lab kusha hoon tu iss yaqeen k saath
Qatal honay ka hausla hai mujhay

Kaun janay k chahto'n may Faraz
Kya ganwaya hai kya mila hai mujhay!