kuch batein unkahi rehnay do

Ishtebah e zehn

kabhi youn bhi hota hay kisi lateefay pr apko hansi nahi bulkay rona aa jata hay. abhi zehn main aik lateefa aya, kai baar sun chuki hoon kai baar suna chuki hoon aur is pr hr baar he hansti rhi hoon. lekin aaj usi lateefay pr kitna rona aa rha hay. aaj mujhay kahin se ye lateefa nahi lg rha. ye tu kahani hay, baar baar duhraai janay wali kahani.

kehtay hain:

ek marasi ny chauhdhry ki beti ka rishta manga. chaudhry ne marasi ki khoob pitaai lagwaii. maar kha k marasi ny phir wohi sawal duhraya. ab ki baar chaudhry ne us ki aesi durgat banwaii aur apnay nokroN se keh kr ussay ghar se bahar phainkwa dia. is pr marasi utha or apne kaprey jhaar kar bola "fair mein inkaar e samjhaan"!!!

Sufi Ghulam Mustafa Tabassum Sb. ki likhi hui bachon ki aik nazm hay "munnay ro lay". mujhay aaj tk smjh nahi i k issay bachon ki nazm kion kahan jata hay. ye tu barroN k liay hay.

Nazm kuch youn hay:

Holay Holay Holay

Ro lay munnay Ro lay

jesay chirriya gana gaye

jesay meena raag sunaye

jesay bulbul bolay

Rol lay munnay Ro lay

abba ko awaz na jaye

ammi bhi sun.nay na paye

gurriya aankh na kholay

Holay Holay Holay

jitna chahay ro lay.

Sea

5 Nov. 2014

G 7/1, Islamabad

Hawa e Dil Mera Shoq-e-Safar Nahin Jaata

Udhar Bhi Jaata Hoon Rasta Jidhar Nahin Jaata

Qayaam Jaisi Koi Haalat-e-Safar Hy Meri

Parinda Jaisay Hawa Main Thaher Nahin Jaata

Jhulas Rahi Hy Abhi Tak Wo An'Kahi Mujh Ko

Ye Aiyb-e-Ishq Ye Daagh-e-Hunar Nahin Jaata

Shayd

shayd kl ki achi guzray

shayd mausam acha ho

shayd dhund k parday main say

charhta suraj poora ho

shayd be-kal, kal na howay

shayd chota rasta ho

shayd bagh dareechay main ik

jana jana chehra ho

shayd rut rangeen ho jaye

shayd badal chaya ho

shayd meray shor k ander

ik sannata ghalib ho

shayd sb ko wehma guzray

shayd pagal razi ho

shayd khud se batain kr k

apna khwab he sacha ho

Aneeq Ahmed Khan

Come back to see how deeply I need you,
Come back to find me awake in the middle of the long nights,
No, no, l'm wrong, your separation will not leave me alive,
You won't see me any more on your return.

"I will be waiting here
For your silence to break
For your soul to shake
For your love to wake."

dard bhi is trha se hota hay
jesay phir dard he nahi hona

She died

I want to die.

I want to die.

I want to die.

She committed suicide today. People wonder "aenni parrhi likhi ho k, aenni kamyab ho k ae kum kitta! barri nashukri kitti" (that she must not have done this act as she was so learned and so successful. Indeed she was ungrateful).

I do not agree with them. I know this kind of knowledge, this awareness brings more desperation and frustration in one's being. You may manage to make them believe that you are having an excellent life but you cannot justify to yourself.

Perhaps she was having an affair.
Perhaps she was dis-heart over a minor dispute.

Or she was annoyed.

She felt like a loser.

She quit.

Peace, she wanted but will never find.
Escape was not the right solution, but she did.
Written in response to Nabiha Ch.'s death.

Nasoor

kuch bhi tu sahi say nahi ho rha. na deen, na duniya. na din, na raat. na parhai na awargi, na dosti, na muhabbat, na rishta dari na ghardari. dil kahin bhi nahi lagta. sonay ka waqt ho tu neend nahi aati, din charha ho tu thakan se choor, adam bezar ho kr bister per girnay ko jee chahta hay. 

kehtay hain soch main, qol main aur fael main tazad ho tu skoon e qalb muyyasar nahi aa skta. zameer mutmain na ho tu skoon ki neend nahi aati. khwa ma khwa he log mukafat e amal ki baat krtay hain. kl kuch nahi hona. sab kuch aaj hona hay, kl jug nahi kr jug hay ye, yahan din ko day aur raat ko lay. 

kehtay hain k pachtaway had se barh jaien tu insan dewangi ki taraf janay lagta hay. duniya se kinara kash honay lgta hay aur khali dimagh mein siwaye wehshat k aur koi cheez ghar nahi krti. pta nahi dewanay log kesay hotay hongay aur pta nahi wehshat main log kia krtay hon gay.

kisi hadith ka mafhoom hay k logon pr aik zamana aye ga k wo din k aik hissay main iman pr hongay aur doosray hissay main is k barkhilaf. shayad wo zamana aa gya hay, din k kuch hison main man maani krnay walay log raat k akhri kinaron main apnay gunahon pr sharmsaar hotay hain. aur raat ki siyahi main chup kr gunah krnay walay din k ujalon mein beth kr apnay daman k dagh dhotay rehtay hain.

kehtay hain 23 se 30 saal ka umr ka hissa buhat lamba hota hay. aur 30 se 40 saal honay main daer nahi lagti. ya tu ye k zindagi nahi guzar rhi hoti aur waqt hath se nikalta jata hay aur kahan ye k waqt nahi guzarta aur zindagi guzar jati hay.

aesa kion na ho, khobsoorat khwab bun'nay main, un main muhabbat k rung bharnay main, umeed  ka diya jalaye rakhnay main, aur phir un ko toot'ta bikhrta dekhnay main, kirchiaN chun'nay main, zakhm sehlanay main, ronay main aur phir ro dho kr khamosh honay main waqt tu lagta hay na. shayad isi thehrao ka naam sabr hay. jb koi daleel na bachay tu isay Khuda ki maslehat jaan.nay main he aafiyat hay, k jo hota hay achay k liay hota hay.

mainay suna hay k Khuda us qom ki halat tb tk nai badalta jb tk insan khud apnay aap ko sudharna nai chahta. phir ye bhi k haalaat nahi badlaingay jb tk un se sabaq na seekha jaye. 

Mayoosi kuch bhi nahi hoti, siwaye ye k aap un logon main uth'tay beth'tay hain jinhon nay apko shikast khorda tasleem kr lia hay. kuch log apni nakamioN ka badla isi trha letay hain k doosroN ko bhi disheart krain. mayoos insan doosray logon ko kuch nahi deta siwaye mayoosi k. nakami moat tu nahi hoti, phir issay zindagi ka ikhtetam kion tasawur kia jata hay. log nakam honay se itna dartay kion hain? aur draatay kion hain? 

zindagi k 4 saal deemak ki trha hr cheez tabah kr gaye. koi b nahi roya. na zalim na mazloom. ye jo log zakhm se khoon rista dekh kr jonk ki tarha chimat jatay hain na ye kabhi zakham bharnay nahi detay. zindagi main skoon aur itmenan ko mayoosi aur nakami k iwaz bech dia jaye tu khushi kahan se milay g. koi saahir hay, qaid nahi krta, azadi k geet sunata rehta hay.... pr main urr nahi pati. janay ye kia talism hay aur kb tootay, kb meri rehaai ho.

S. EA

In pursuit of forgiveness

Mujhay ye shoq tha k hmain duniya main bhi milna hay aur ye sath aesa ho k ham jannat main bhi aik doosray k sath hon. Phir shoq ko kuch be yaqeeni aur kuch yaqeen honay laga k duniya main milain na milain hmain aakhirat main milna hay. Aik khwahish jo jarrain pakarti gaii k Allah Jee Jannat main tu sb duaien poori karaingay. So main Khuda say tumhara sath maang loongi.

Waqt ki lehrain sb kuch baha kr lay jati hain ma-siwaye aadhay adhooray naqoosh k jo na tu theek say bantay hain na mit.tay hain. ye bhi aesi he koi shabeeh hay kisi aesay shakhs ki jis ko naaz tha apni paakeezgi pr, yaqeen tha khud k seedhay rastay pr, fakhar tha apnay khaloos pr aur shayad ghumand tha apnay kirdaar pr. phir wo shabeeh kabhi mukamil nahi honay paii. bhla ye koi baat hay k seep ka moti is baat pr ghumand kray k ussay aaj tk kisi nay nai chooa. abhi tu sonay ko kundan honay k liay aag main buhat sa dehkna baqi tha. phir kesa naaz. phir kesa ghuroor.

wo matti ki dheri, gharoor k qabil nahi thi aur usay aesa krna raas bhi nahi aaya. thokar lagi. kuch toota kuch bikhra pehli thokar hoti he is liay hay, k kuch toot jaye ander he ander, kuch bikhar jaye, magr sambhlnay ki gunjaish k sath. lekin is k baad koi moqa nahi hota sambhalnay ka. doosri thokar tu mukammil bakhair deti hay, choora choora, reza reza wajood, saari zindagi kirchian chun'nay aur wapis asl khaka bnanay main lag jati hay. aur himmat nahi rehti, irada nahi rehta simatnay ka sambhalnay ka.

Kehtay hain k jannat main wohi log dakhil hongay jo Allah k farman.bardar hain. Mujhay kisi shoq, kisi khwahish ka armaan hay na zid. jb darmiyan main kuch baqi he na bachay tu phir milnay milaanay salam dua krnay ka faida. Mujhay sakht preshani ho rhi hay. Mayoos nahi hoon pr fikr lahaq hay. kia main kabhi is muqam pr kharri nai hoongi k main jo maangooN Allah jee day dain.

Sobia