Boloun agar mein jhut to mar jaye ga zameer!
Keh doun agar mein sach! to mujhe maar deinge log!

Ghalib hmain na chairr k phir josh e ashk se
bethay hain hum tahayya e toofan kiay huay

Meray bacho!

Meray bacho!

Duniya mein do baatein kabhi ikathi nahi ho sktiin. Meri baat dhayan se sun’na is liay k mujhay nahi maloom k dubara kabhi aesi majlis ho, hum sb ki, ya nahi. Jesay aaj tum sb meray aas paas bethay ho. Hmesha yad rakhna, aur mushahida krna. 

Aik ye k koi insaan ander se acha ho….. 

“Ander se acha”, aur hm sb jantay hain ander se acha hona kia hay. Authentic, seedhay rastay pr… duniya ki nazar main nahi eman ki nazar mein…..

Han, tu aik ye k koi insaan ander se acha ho aur kamyab na ho aesa kabhi nahi ho skta.

Aur doosra, ye k koi insaan ander se bura ho, mein smjhta hoon mujhay apko smjhanay ki zaroorat nahi k ander se bura hona kia hay, wo insaan jo ander se bura ho wo kabhi falah nahi paa skta na duniya main na akharat main.

Tu meray bacho, apnay ander naik iraday, naik khayalat ki fasal bo do. Kl ko phal tum bhi khao gay aur ird gird k log bhi faiz yab hongay.

Aur jo koi, bad niyati, kam-chori, buray ikhlaq ko apna asloob bnata hay wo sari zindagi tangi, museebaton, aur zehni dbao ka ghar bn jata hay. Keekar k pair ka koi faida nahi hay. 

Piyaray bacho! hum pr Allah ne kb karam nahi kia? Main apni sari zindagi ko aik film ki trha sochoon tu main tu aik aik lamhay k liay Khuda ki mehrbani pr Uska shukr ada nahi kr skta. Aur aap log, aap logon ko is chat k neechay sb araam skoon, jo bhi muassar hua, kia wo Khuda ki daen nahi hay? Kia hum mein se kisi ka bhi koi amal aesa hay jo Khuda k is inaam ka mustahiq ho jo hum pr hua hay. Tu Allah Tala tu hum se kuch bhi nahi chahtay siwaye is k k hum achay insan bnain. Aur mein bhi aap se kuch nahi chahta siwaye is k k aap meri achi pehchan bno. Aik doosray ki pehchan bno. ba haisiyat aik fard k jb tum achay insan bno gay, tu ye muashra acha ho jaye ga, aur hm sb ka khwab aik acha falahi muashra he tu hay. Apnay apnay kaam mein naik niyati shamil kr lo wo ibadat bn jaye ga.

Allah apkay kaamon mein asani paida kray. Khush rho!

▶ Duaa (Acoustic) || Sanam ft. Sanah Moidutty | Sad Hindi Song 2015 - Video Dailymotion

▶ Duaa (Acoustic) || Sanam ft. Sanah Moidutty | Sad Hindi Song 2015 - Video Dailymotion

yeh-raaten-yeh-mausam-sanam-ft-simran-sehgal-2015

Tu na thi koi saraaye; Na main hoon koi musaafir!

Tu na thi koi saraaye (Motel)
Ke main raat bhar thehar k
Safar Ikhtiyaar karta


Main na tha koi musaafir
Ke jo ghar nagar ko tajj (leaving behind) kar

Kahin or pyar karta


Inhi bastiyon mai varna
Kayi dil kayi nigaahein
Koi neend ka ho rasiya (fond)
To hazaar khwab-gahein


Kahin kaakulon (tress) ke baadal
Kahin qaamaton ki chhaaon
Kahin shehar aarzu ke
Kahin hasraton k gaaon


Kahin khilwatein (privacy) dukaanein
Kahin jism beo-paari
Na kisi sanam ko shikwa
Na dukhi koi pujaari


Ye ajab qimaar khaanay (Casino)
Yahan haar bhi kamaayi
Na kisi ka maan toota
Na kisi ne chot khaayi


Koi be-ma-aal (pointless) qissa
Koi daastaan adhoori
Ye supurdagi judaai
To vo ikhtilaat (mating) doori


Yahan shoq bhi tamaasha
Yahan ishq bhi malaamat
Na to vasl khoobsurat
Na firaaq he qayaamat


Ye zarooraton k mailay
Ye qayaam k bahaanay
Ye thakan utaarnay k
Sabhi aarzi thikaanay


Ye hamaray ehd-o-peimaan
Tujhe kia khabar k jaanaa
Ye dinon ki baat kab thi
Ye rafaaqaton ki sadiyaan


Ye jo dard hai amar hai
Ke wafa hai harf-e-aakhir
Tu na thi koi saraaye
Na main hoon koi musaafir!


Ahmed Faraz

Bohat kuch beh gya hai,
Seel-e-Maah-o-Saal mein ab tak,
Sabhi kuch to na beh jaaye,

K Mere pass reh bhi kya gya hai,
...........Kuch to reh jaaye...!




John Elia

Meray ander tu sb jaga pewast!
Kesay khurchun tera nishaN jana!!

Jism se rooh tk teri jageer
Mera mujh main na kuch bacha jana!!

Zindagi zakhm jesay ho nasoor
Mera har dard la dawa jana!!

Rai-gaN umr ho gaii apni
Aur hasil faqat fana jana!!

Aakhrish shoq ko bhi maut hui
Koi is se hay ma-wra? jana!!

Swaiba EA

Sub Muhabbat ka ik Pehar hay

Yeh jo palkon pe rim jhim sitaron ka mela saa hay
Yeh jo teray bina koi itna akela saa hai
Zindagi teri yaadon se mehka hua shehar hay
Sub muhabbat ka ik pehar hay

Sahilon pe gharonday banaye they hum nay,
tumhain yaad hay?
Rung barish main kaisay urraaye they hum nay,
tumhain yaad hay?

Janay kis kailiye ghar sajaaye they hum nay, 

tumhain yaad hay?

Koi khushboo ka jhonka idher aa nikalta kahiin
Gum hay neendon k sehra main khwabon ka rasta kahiin
Her khushi aatay jaatay howay waqt ki lehar hay
Sub muhabbat ka ik pehar hay

Zindagi dhoop chaoN ka ik khail hay, 

bheerr chat'ti nahin

Aur issi khail main din guzarta nahin, 

raat kat'ti nahin

pyar kartay howay aadmi ki kabhi, 

umer ghat'ti nahin

Dil ki dehleez per aks-e-roshan teray naam say
Rat jagay aaiinon main khilay hain kahin shaam say
Aik darya hai chaaron taraf darmyaan lehar hay
Sub muhabbat ka ik pehar hay.